THRASIMUNDUS

THRASIMUNDUS

Vandalorum in Africa Rex IV. post fratrem Gundebaldum, vel Gunthamantum, A. C. 496. Qui ambo, Ariani, crudeliter in fideles saeviêrunt: posteriori inprimis, ne Episcopos sibi eligerent, inhibuit; quod cum nihilominus facerent, illorum 126. inter quos Fulgentius, in Sardiniam relegavit. Cum Fulgentio inde revocato colloquutus, viri eruditionem et cloquium admiratus quidem est, persequi tamen Orthodoxos non destitit. Bellô contra Mauros infelix: obsessâ frustra Tripoli, quam Cabao, pietate et fortitudine inclitus, strenue defenderat, animi maerore exstinctus est, A. C. 523. Procop. l. 1. de bello Vandal. Victor etc. Successit Hildericus, de quo supra.